قصيدة كلب الست أحمد فؤاد نجم، كتب الشاعر الشعبي أحمد فؤاد نجم قصيدة كلب الست، كهجاء للفنانة أم كلثوم، وذلك بعض أن عض كلبها أحد المواطنين الغلابة والذي يدعى إسماعيل، وقصيدة كلب الست لها قصة طويلة، وبها حس من الدعابة والفكاهة، كتبها الشاعر أحمد فؤاد نجم باللغة العامية، كما اشتهر في كل قصائده الشعبية العامية، فهو يتناول قضايا واقعية ويتحدث عنها بأسلوبه التهكمي الساخر الهادف؛ نتعرف بين السطور التالي على قصيدة كلب الست أحمد فؤاد نجم.

أحمد فؤاد نجم

أحمد فؤاد نجم، هو شاعر مصري شعبي، اشتهر بقصائده التي ينظمها باللهجة العامية، وهو من ثوار الكلمة، لمع اسمه في عالم الفن، وسطع بين نجوم الشعر العربي، تم اطلاق لقب “الفاجومي المصري” عليه، سجن أكثر من مرة، حيث أن أحمد فؤاد نجم ويكيبيديا هو:

  • الاسم: احمد فؤاد نجم.
  • تاريخ الميلاد: الثاني والعشرين من مايو للعام 1929م.
  • مكان الولادة: قرية كفر ابو نجم.
  • أصله من: مدينة ابو حماد – محافظة الشرقية.
  • الجنسية: مصري.
  • المهنة: شاعر امي شعبي.
  • الملحن الخاص بقصائده: الشيخ إمام.
  • تاريخ الوفاة: الثالث من ديسمبر عام 2013م.

شاهد أيضاً: في اي سنه زارت ام كلثوم ابوظبي

قصيدة كلب الست أحمد فؤاد نجم

قصيدة كلب الست أحمد فؤاد نجم، هذه القصيدة التي كتبها شاعر العامية المصري أحمد فؤاد نجم، وفيها هجاء للفنانة أم كلثوم، التي كانت لها كلمة مسموعة في عصرها لدى رجال الشرطة المصرية، نضع لكم قصيدة كلب الست أحمد فؤاد نجم مكتوبة:

كلب الست

ف الزمالك من سنين

و ف حمى النيل القديم

قصر من عصر اليمن

ملك واحدة من الحريم

صيتها أكتر م الأدان

يسمعوه المسلمين

و التتر

و التركمان

و الهنود

و المنبودين

ست فاقت ع الرجال

ف المقام و الاحترام

صيت و شهرة

و تل مال

يعني في غاية التمام

 

قصره يعني هي كلمة

ليها كلمة ف الحكومة

بس ربك لجل حكمة

قام حرمها م الأمومة

و الأمومة طبع ثابت

جوه حوا من زمان

تعمل ايه الست

جابت فوكس رومي و له وان

 

فوكس دا عقبال إملتك

عنده دستية خدامين

يعني مش موجود ف عيلتك

شخص زيه يا اسماعين

و اسماعين دا يبقى واحد

م الجماعة الغلبانين

اللي داخو ف المعاهد

و المدارس من سنين

حب يعمل واد فكاكه

و يمشي حبه ف الزمالك

و القيامة و الفتاكة

يرموا طبعا ع المهالك

غم سمعه من قيامته

حب يعمل فيها فله

بعد ما ألوط بيجامته

اشترى حتة مجله

قول مش بيقراف حكاية

من حكايات الغرام

و اندماجه ف القرايه

خلا مشيه مش تمام

ع اليمين يحدف بعيد

خطوتين

و تروح شمال

لمحه فوكس من الحديد

قال دا صيد

سهل و حلال

هب نط ف كرشه دوغري

جاب بيجامته لحد ديلها

اسماعين بدال ما يجري

قال يا رجلي

رجلي مالها

 

بص شاف الدم سايح

من عاليها و من واطيها

و ياللي جاري

و ياللي رايح

المجلة مش لاقيها

حبه و تلمو الظنايا

اللي هما البوابين

و الحكايه و الروايه

قال لهم دا كلب مين ؟

كلب مين

ما كلب مينشي

سمعه لبخ حبتين

قال له واحد فيهم امشي

اللي جابك انده مين

قال دا شارع يا مواشي

للجميع

راكب و ماشي

 

كلمة من دا

و كلمة من دا

ظاطو و انقلبت فضيحة

قول نهايته و القصد من دا

اسماعين شرب الطريحة

راحو اسم الشرطة جمعا

و النيابة كفيلة بيهم

و اترموا ف الحجر طبعا

لما ييجي الدور عليهم

شاف بلاوي ما تنحكيش

م الهفايا المحبوسين

قال يا عالم

يا شاويش

يا نيابة .. يا مسؤلين

خلصوه بعد المناهدة

جثه

من جحر الديابه

هي يمكن ساعة واحدة

كان ف مكتب النيابة

قال له ـ مالك يا اسماعين

قال له ـ زي البمب مالي

قال له ـ عضك فوكس فين

قال له ـ سيبني أروح لحالي

انت شوف سي فوكس يمكن

خد تسمم غصب عني

الوكيل قال برضه ممكن

و الشاويش قعد يغني

هييص يا كلب الست هيص

لك مجامك ف البوليس

بكرة تتولف وزارة

للكلاب

ياخدوك رئيس

 

انت توى ف النيابة

تسعمية من الغلابة

طب يا ريت يا فوكس كنا

و لا تربطنا الجرابة

انت فين و الكلب فين

انت كده يا اسماعين

طب دا كلب الست يا ابني

و انت تطلع ابن مين

 

بشرى لصاحب الديول

ولــللي له أربع رجول

بشرى لسيادنا البهايم

من جمايس أوعجول

اللي صاحبه يا جماعة

له أغاني ف الاذاعة

راح يدوس فوق الغلابة

و النيابة

بالتباعة

هيص يا كلب الست هيص

هيص يا كلب الست هيص

شاهد أيضاً: سبب وفاة زينب ابنة الشاعر الراحل أحمد فؤاد نجم

قصة قصيدة كلب الست أحمد فؤاد نجم مكتوبة

قصة قصيدة كلب الست أحمد فؤاد نجم مكتوبة، هذه القصيدة الفكاهية الهجائية العامية التي كتبها شاعر الشعب أحمد فؤاد نجم لها قصة، حيث قام مجموعة من الشباب الجامعيين، بعمل يوم رياضي في مكان بالقرب من الفيلا التي تقيم فيها الفنانة أم كلثوم في مدينة  الزمالك، وبينما كان يمشي بعضهم من امام بيتها، ومن بينهم شاب طيب يدعى إسماعيل، فإذا بكلب الحراسة الخاص بأم كلثوم يهجم عليه ويعضه، وحدثت مشادة بين إسماعيل وحراس بيت أم كلثوم والخدم، وتم سحب إسماعيل إلى النيابة، حيث قام بتحرير محضر فيما حدث.

لكن للأسف تم اطلاق سراح الكلب، والقبض على الشاب إسماعيل وسجنه، وبعد أن خرج من السجن، تفاجأ الفنان أحمد فؤاد نجم، بأن إسماعيل ينشر في جريدة محلية تفاخراً بأنه نال عضة من كلب الست أم كلثوم، فذهب الشاعر أحمد إلى بيت إسماعيل لزيارته، وفهم القصة كاملة، ليكتب قصيدته التي هجى فيها أم كلثوم، والشرطة المصرية التي ظلمت الشاب، من أجل كلب الست أم كلثوم.

وبهذا نكون قد انتهينا من سطور مقالتنا التي كانت تتناول الحديث عن قصة قصيدة كلب الست أحمد فؤاد نجم مكتوبة كاملة.

شاهد أيضًا